Gwneud cwyn

Mae’n bwysig nodi bod Comisiynydd yr Heddlu a Throseddu ond yn gyfrifol am ymchwilio i gwynion yn erbyn:

• Y Prif Gwnstabl
• Aelodau o’i staff ei hun (Tîm y Comisiynydd)

Os yw eich cwyn yn ymwneud ag ymddygiad un o swyddogion Heddlu De Cymru (islaw rheng Prif Gwnstabl), neu aelod o staff yr heddlu, mae’n rhaid i chi gyfeirio eich cwyn i Adran Safonau Proffesiynol Heddlu De Cymru.

O 1 Chwefror 2020, gallwch gyflwyno cais am adolygiad i Gomisiynydd yr Heddlu a Throsedd De Cymru os nad ydych chi'n fodlon ar ganlyniad eich cwyn, neu os nad ydych chi'n fodlon ar y ffordd yr ymdriniwyd â'ch cwyn. Mae'n bwysig iawn eich bod yn gwneud cais am adolygiad i'r sefydliad cywir. Dylai Heddlu De Cymru fod wedi ysgrifennu atoch i ddweud ble i gyflwyno'ch adolygiad. Gallwch ddod o hyd i ragor o wybodaeth yma.

Os hoffech gwyno am broblem gymunedol megis parcio neu ymddygiad gwrthgymdeithasol, ffoniwch 101 neu siaradwch ag aelod o’ch Tîm Plismona yn y Gymdogaeth.

Os hoffech ddiolch am wasanaeth da, llenwch eich ffurflen ar-lein neu ffoniwch ni ar 101

• A yw eich cwyn yn erbyn y Prif Gwnstabl?
  Os hoffech wneud cwyn am y Prif Gwnstabl, cliciwch yma.
  
  
• A yw eich cwyn yn erbyn Tîm Comisiynydd yr Heddlu a Throseddu?
  Os hoffech wneud cwyn am aelod o staff y Comisiynydd, cliciwch yma.
  
  
• A yw eich cwyn yn erbyn Comisiynydd yr Heddlu a Throseddu?
  Panel yr Heddlu a Throseddu sy’n gyfrifol am ystyried cwynion yn erbyn Comisiynydd yr Heddlu a Throseddu (a’r Dirprwy Comisiynydd). Bydd y Panel yn delio ag unrhyw gwynion lefel isel, gan gyfeirio unrhyw broblemau difrifol i Swyddfa Annibynnol Ymddygiad yr Heddlu (IOPC).
  
  I gyflwyno cwyn sy’n ymwneud ag ymddygiad Comisiynydd yr Heddlu a Throseddu, cysylltwch â’r Panel yn uniongyrchol yn y cyfeiriad canlynol:
  
  Cyngor Bwrdeistref Sirol Merthyr Tudful
  Y Ganolfan Ddinesig
  Stryd y Castell
  Merthyr Tudful
  CF47 8AN
  
  Mae gan y Comisiynydd ddyletswydd i roi manylion am nifer y cwynion neu faterion ymddygiad y mae Panel yr Heddlu a Throseddu wedi’u dwyn i’w sylw.
  
  
• A yw eich cwyn yn erbyn Panel yr Heddlu a Throseddu?
  I gael manylion am sut i wneud cwyn yn erbyn Panel yr Heddlu a Throseddu, cliciwch yma.